阿Phit泰國菜 (已結業)

呢间位于香港大学附近嘅泰国菜，算系呢个区比较好食嘅一间，所以以前读书嘅时候都经常嚟。以前比较常叫嘅会系青咖喱，黄咖喱，香叶炒饭，同埋泰式炒河等等。今日因为想食清淡少少嘅关系，(但系仍然好想食辣)，叫咗个冬阴公海鲜汤河($48)，唔使加钱可以转金边粉，可以包一杯冻饮。好可惜个冬阴公汤有少少失望，酸辣味都有可惜鲜味欠奉。可以见到辣椒草菇鱿鱼青口虾等等嘅配料都好够，可惜汤唔够浓，稍为有少少失色。似乎呢度嘅咖喱同埋炒粉面饭比较出色，至于冬阴公汤就未必会再叫啦。