影片
更多
2020-11-30
704 浏览
朋友约我去铜锣湾食饭，但行极都未到😅，原来系近天后𠮶边。我心谂「Season Oyster & Wine Bar」位置唔喺大街，应该唔会好多人挂。点知一入餐厅发现系全场爆满Full House👏。餐厅原来仲有二楼的，因为坐后面先知，下层有一边系座位，另一边系厨房。我觉得整体都算坐得舒服☺️。烤焗海鲜拼盘($298)，海鲜拼盘好丰富，有好多款海鲜，仲要每款都好鲜味😋，包括龙虾、扇贝、翡翠螺同虎虾。佢比起其他餐厅定价真系平好多，有啲餐厅得龙虾都可能卖二百蚊啦。芝士焗原只龙虾，龙虾品种系波士顿龙虾🦞，有两只钳。龙虾唔细只，就算佢本身咁过份包装都几好肉。餐厅仲提供铰剪畀我哋将佢肢解。牛油蒜蓉焗虎虾(两只)，🦐虎虾不愧为虎虾，大只过一般海虾。外表烧到好香脆，有浓浓虾香，虾肉亦唔干身，唔错。蒜蓉翡翠螺(四粒)，🐚翡翠螺好少食，原来都几正㗎啵。螺肉大大粒，肉质唔韧，唔怕顶胃。巴马臣芝士焗扇贝(两只)，扇贝就正正常常啦，又系用咗超多芝士焗🧀。芝士黑松露焗大磨菇，本身仲谂住嗌呢样小食，好彩睇清楚餐牌介绍，原来拼盘包埋的！🍄大啡菇酿咗好多芝士，咬落好多汁。牛油蒜香蚬肉意粉($128)，惊斋食海鲜唔够饱(其实
朋友约我去铜锣湾食饭，但行极都未到😅，原来系近天后𠮶边。我心谂「Season Oyster & Wine Bar」位置唔喺大街，应该唔会好多人挂。点知一入餐厅发现系全场爆满Full House👏。
餐厅原来仲有二楼的，因为坐后面先知，下层有一边系座位，另一边系厨房。我觉得整体都算坐得舒服☺️。
烤焗海鲜拼盘
$298
22 浏览
0 赞好
0 留言
芝士焗原只龙虾，龙虾品种系波士顿龙虾🦞，有两只钳。龙虾唔细只，就算佢本身咁过份包装都几好肉。餐厅仲提供铰剪畀我哋将佢肢解。
牛油蒜蓉焗虎虾(两只)，🦐虎虾不愧为虎虾，大只过一般海虾。外表烧到好香脆，有浓浓虾香，虾肉亦唔干身，唔错。
蒜蓉翡翠螺(四粒)，🐚翡翠螺好少食，原来都几正㗎啵。螺肉大大粒，肉质唔韧，唔怕顶胃。
巴马臣芝士焗扇贝(两只)，扇贝就正正常常啦，又系用咗超多芝士焗🧀。
芝士黑松露焗大磨菇，本身仲谂住嗌呢样小食，好彩睇清楚餐牌介绍，原来拼盘包埋的！🍄大啡菇酿咗好多芝士，咬落好多汁。
牛油蒜香蚬肉意粉
$128
10 浏览
0 赞好
0 留言
牛油蒜香蚬肉意粉($128)，惊斋食海鲜唔够饱(其实饱)，所以叫咗碟意粉🍝。意粉份量都多，酱汁颇惹味的，牛油加白酒味唔会过腻🍾。意粉偏幼身亦煮得弹牙，蚬肉有成十只，但偏细只。
日本一口和牛粒
$80
6 浏览
0 赞好
0 留言
手调啤酒
$58
3 浏览
0 赞好
0 留言
总括嚟讲，Season咁多人帮衬系有原因的，因为实在系性价比高👍，食物出品亦好高质素。我见喺度食生蚝好平，可惜我哋都唔好呢味。有机会我会再嚟帮衬，系食焗海鲜嘅好地方！
张贴
