影片
更多
2023-04-02
23 浏览
呢几日近清明毛毛细雨，天气凉咗啲，突然间想食火锅，行过女人街见到间新嘢，佢唔系地铺，于是上去试吓。上到去未坐低已经见到远处好多鱼缸，有鱼有虾有饱鱼，非常之吸引，睇吓menu有个午市特恵商务套餐，包括咗唔同海鲜、豚肉、安格斯牛肉、菜同丸类，另外我地加咗花甲、蛏子王。第一次试潮式卤水汤底，饮咗啖试下味，有卤水味，又唔会太咸，几香，专登点只蛋，烚熟佢搣壳做卤水蛋，食落都ok。讲番主角，海鲜好新鲜，虾同蛏子王都仲郁紧，鲍鱼、花甲同青口都够哂大只，鱼有龙趸食，d海鲜烚落呢个特别汤底，带出咗海鲜嘅鲜味又唔咸，食落唔驶加调味，食落爽口弹牙新鲜。牛肉同豚肉冇太多多余脂肪，牛肉有牛味。丸类有牛丸、贡丸、鱼蛋、虾丸四款。鱼蛋爽口弹牙有鱼味，牛丸爆汁够牛味，贡丸有d似越南扎肉，虾丸都系新鲜虾味，呢度d丸偏向细粒，但全部真材实料，好好食。个餐仲包咗出前一丁，唔惊唔够饱。除左烚下烚下之外，我哋仲叫咗两个小食，系脆炸油炸鬼同即包炸云吞。脆炸油炸鬼几特别，已经开边，烘至全脆，脆到好似饼干咁，就咁食又得，放入汤底渌一渌又得 。即包炸云吞上到枱见到只只胀卜卜好吸引，热辣辣隔咗一阵食，外皮仍然香脆，入面有3只完整大虾，少
上到去未坐低已经见到远处好多鱼缸，有鱼有虾有饱鱼，非常之吸引，睇吓menu有个午市特恵商务套餐，包括咗唔同海鲜、豚肉、安格斯牛肉、菜同丸类，另外我地加咗花甲、蛏子王。
第一次试潮式卤水汤底，饮咗啖试下味，有卤水味，又唔会太咸，几香，专登点只蛋，烚熟佢搣壳做卤水蛋，食落都ok。
讲番主角，海鲜好新鲜，虾同蛏子王都仲郁紧，鲍鱼、花甲同青口都够哂大只，鱼有龙趸食，d海鲜烚落呢个特别汤底，带出咗海鲜嘅鲜味又唔咸，食落唔驶加调味，食落爽口弹牙新鲜。
牛肉同豚肉冇太多多余脂肪，牛肉有牛味。
丸类有牛丸、贡丸、鱼蛋、虾丸四款。鱼蛋爽口弹牙有鱼味，牛丸爆汁够牛味，贡丸有d似越南扎肉，虾丸都系新鲜虾味，呢度d丸偏向细粒，但全部真材实料，好好食。
个餐仲包咗出前一丁，唔惊唔够饱。除左烚下烚下之外，我哋仲叫咗两个小食，系脆炸油炸鬼同即包炸云吞。
脆炸油炸鬼
几特别，已经开边，烘至全脆，脆到好似饼干咁，就咁食又得，放入汤底渌一渌又得 。
即包炸云吞
上到枱见到只只胀卜卜好吸引，热辣辣隔咗一阵食，外皮仍然香脆，入面有3只完整大虾，少少肉，馅料既虾肉弹牙。
个套餐包咗嘢饮，我点咗竹席茅根，朋友点咗苹果雪梨水，系自家制，够天然，仲有汤料响入边。成个认真唔错，呢个价钱食到咁正既真系值得。
张贴
