潮人私房菜 (已結業)

今日同个朋友去尖沙咀行街买野，之后就约左屋企人食饭，今晚食私．房．菜，无错，真系食私房菜，平时比较少食，不过有朋友推介呢一间海鲜私房菜，适逢一家人去食饭，就book 呢一间私房菜，食私房菜一定要预约位置非常方便，由海运行过去大约10分钟左右，一上餐厅，老板热情招待，每一枱都有一间房，房入面都有电视机，私隐度极之高，好适合一家大细或一大班朋友一齐欢聚！菜干猪肺汤一飮就知道呢个系老火汤，好甜，而且冇味精，全部都用真材实料泡制，个猪肺好好味，洗得好干净，菜干好香荷叶蒜蓉开边蒸虾饭平时食蒜蓉开边蒸虾食得多，但呢个饭系荷叶包住咁蒸，淡淡既荷叶香渗透于虾同饭入面，用蒜蓉虾配饭，味道一流避风塘鲍鱼避风塘鲍鱼好惹味，避风塘炒蒜好香蒜蓉味，而且非常之脆，但系惹味得黎又唔会抢走鲍鱼既鲜味，而且鲍鱼已经起咗出黎，一夹即刻食到，方便我哋食蒜蓉粉丝蒸扇贝呢度菜非常之好食，蒜蓉味好香，粉丝索哂扇贝嘅鲜味同埋蒜蓉嘅味道，而扇贝非常之鲜甜，又唔靱，蒸到啱啱好食咗咁多度海鲜，每人都只系＄300左右，性价比非常之高，不过一定要预早预约，因为我去到有好多客人！