牛涮鍋 (已結業)

身为金会员，见到电邮有会员买四送一嘅新春限定优惠，当然系狗冲咁样仆过去啦。因为有金会员系唔使排队既。仲要加埋呢个优惠。冇办法唔去食～入门口𠮶阵时侍应同我地讲，如果用买四送一优惠嘅话，不如试一试贵少少嘅午市和牛任食放题。我哋几个就好从善如流咁样接纳左佢嘅建议。和牛放题啲牛肉又真系比起平时叫嘅普通套餐更加好食，食落口唔会太肥腻，呢间野亦都唔会话一开始𠮶两盘肉就好好睇睇，然后你再叫多几碟就俾啲烂嘅牛肉你，质素几好～啲蔬菜依然系咁新鲜，唯独是佢啲甜品我唔系太钟意。个人口味问题挂，食落口又唔系发霉𠮶种嘅。原价188+1，因为有四送一，每人150几蚊买单。成张枱四个人都好擦得，如果去散嗌应该就唔系呢个价钱。