影片
更多
2024-02-11
116 浏览
约咗朋友嚟 Airside 逛下，顺便买啲贺年礼盒。真系快活不知时日过，行下倾下，眨下眼又到咗晚饭时间。喺B1层见到有间「三点三冰室」，门面以宝蓝色为主调，店内装潢雅致，设有大量梳化座和卡位，环境舒适，今晚就一于喺呢度开餐。嚟到虽然已经过咗三点三，但仍然有好多茶餐美食可供选择。我哋点咗芝心虾多士 ($72)、鳗鱼滑蛋炸热狗 ($75)、妙龄乳鸽 ($62@) 同 星洲炒米 ($78)。虾多士炸到热辣辣、脆卜卜，内有爆浆流心芝士，虾肉弹牙有口感，点埋啲沙律酱食，倍添滋味。乳鸽新鲜炸起，大小刚好，皮脆肉嫩又有肉汁，入口香气充盈，不油不腻，腌得好入味，乳鸽控表示满意。原条鳗鱼滑蛋饭就食得多，但系用嚟配炸热狗，极具创意。热狗沾满面包糠再炸至金黄色，入口外脆内软熟，配上肥美鳗鱼同香嫩滑蛋，真系无得输，啱晒相机食先。星洲炒米热腾腾，上台时香气扑鼻，米粉弹牙有镬气，配料有蛋丝、叉烧、火腿、虾仁、韭黄同甜椒，咖喱味道好香浓，但又唔会过辣，做到大酒楼水准。饮品点咗龙凤柠乐 ($28) 同 黑牛(跟餐+$19)，龙凤柠乐酸酸甜甜，非常醒胃；黑牛即系朱古力雪糕+可乐，入口冰爽畅快，透心凉。
喺B1层见到有间「三点三冰室」，门面以宝蓝色为主调，店内装潢雅致，设有大量梳化座和卡位，环境舒适，今晚就一于喺呢度开餐。
嚟到虽然已经过咗三点三，但仍然有好多茶餐美食可供选择。我哋点咗芝心虾多士 ($72)、鳗鱼滑蛋炸热狗 ($75)、妙龄乳鸽 ($62@) 同 星洲炒米 ($78)。
虾多士炸到热辣辣、脆卜卜，内有爆浆流心芝士，虾肉弹牙有口感，点埋啲沙律酱食，倍添滋味。
乳鸽新鲜炸起，大小刚好，皮脆肉嫩又有肉汁，入口香气充盈，不油不腻，腌得好入味，乳鸽控表示满意。
原条鳗鱼滑蛋饭就食得多，但系用嚟配炸热狗，极具创意。热狗沾满面包糠再炸至金黄色，入口外脆内软熟，配上肥美鳗鱼同香嫩滑蛋，真系无得输，啱晒相机食先。
星洲炒米热腾腾，上台时香气扑鼻，米粉弹牙有镬气，配料有蛋丝、叉烧、火腿、虾仁、韭黄同甜椒，咖喱味道好香浓，但又唔会过辣，做到大酒楼水准。
饮品点咗龙凤柠乐 ($28) 同 黑牛(跟餐+$19)，龙凤柠乐酸酸甜甜，非常醒胃；黑牛即系朱古力雪糕+可乐，入口冰爽畅快，透心凉。
张贴
