嘉寶漢堡 (和益中心)

营业中

休息中

经过宝勒巷见到嘉宝原来有间咁大嘅分店，入到去环境干净宽阔，仲有洗手机。套餐可以拣一款指定小食同饮品，饮品选择几多，连茶类都有。大啡菇芝士牛堡牛肉味浓，而大啡菇充满水份，面包松软，加埋酱汁同配菜一齐食层次丰富。孜然香辣羊堡另加菠萝，羊味唔会太膻，烤过嘅菠萝好有惊喜，新鲜香甜juicy，估唔到几夹，越食越开胃。指定小食叫咗薯饼同番薯条，两样都好香脆，番薯条粗身，带有番薯甜味，唔使点任何酱汁都好好食。另外加钱要多个香脆粟米片鸡块，有好多酱汁可以拣，我就最钟意烧烤同蜜糖芥末酱。第一次咁食鸡块，外皮加上粟米片真系份外香脆，口感丰富，下次都要再叫！