影片
更多
2022-02-03
166 浏览
星期日同阿爸阿妈喺铜锣湾Shopping完，就食埋饭先返屋企。希慎对面之前有个Food Court，但执咗之后一直围封装修，直至最近终于开返啦❗️。我哋特意到访，发现原来上址有几间餐厅落户，而「巷仔见面馆」就系我哋今日开餐嘅地方。由于我哋全日未食过嘢🙈，五点食呢一餐就当齐系中午晚三餐，因此大胃王上身，食到饱晒。火炙芝士鸡扒包(特价$20)，餐厅做紧推广活动🈹，凡惠顾任何食品就可以用优惠价加配鸡扒包，廿蚊包边度揾，仲要咁大个呢！🍗炸鸡扒大大块兼厚切，外层酥脆，肉又够嫩；配上沙律酱生菜同芝士有中和嘅作用，当中更不乏火炙熏香🔥。面包亦意外地唔干身，成个包各个部份都处理得好好。清汤牛魔王幼面($54)，我超级钟意食生面🍜，钟意嘅程度系日日食都得，所以我对呢样食物亦好有要求。呢度嘅面条非常出色，口感爽弹，唔重碱水味。同时，汤底亦系精华所在，牛味浓郁惹味，但亦能保持清澈，而且最重要系够晒热。🐮牛三宝包括肥牛、牛腩同牛丸，𩠌料就属正常水平，但份量唔孤寒。无骨海南鸡($108/半只)，本身想食海南鸡饭，但阿妈惊太饱所以就转战净鸡🐔。海南鸡去骨，食用方便，鸡皮爽口，肉质嫩滑，但有少少可惜嘅系因为只鸡比较瘦
星期日同阿爸阿妈喺铜锣湾Shopping完，就食埋饭先返屋企。希慎对面之前有个Food Court，但执咗之后一直围封装修，直至最近终于开返啦❗️。我哋特意到访，发现原来上址有几间餐厅落户，而「巷仔见面馆」就系我哋今日开餐嘅地方。
由于我哋全日未食过嘢🙈，五点食呢一餐就当齐系中午晚三餐，因此大胃王上身，食到饱晒。
火炙芝士鸡扒包
$20
10 浏览
0 赞好
0 留言
清汤牛魔王幼面
$54
8 浏览
0 赞好
0 留言
无骨海南鸡($108/半只)，本身想食海南鸡饭，但阿妈惊太饱所以就转战净鸡🐔。海南鸡去骨，食用方便，鸡皮爽口，肉质嫩滑，但有少少可惜嘅系因为只鸡比较瘦，唔够厚肉。伴旁嘅腌萝卜丝微微酸，开胃。三色酱汁还好，大路配搭。
麻辣云吞($29/4粒)以及泰好味莴笋丝($20)，🥟云吞大大粒，饺皮又薄又滑，入面包裹住原只鲜虾，真材实料🦐。麻辣味远比想像中辣，都OK，但麻味如果强啲会更佳。💚莴笋丝本身无问题，不过个人就唔太钟意泰式风味，佢系酸辣凤爪𠮶只汁，酸度偏高，川式麻辣或许会好啲。
脆脆凤尾虾多士
$37
8 浏览
0 赞好
0 留言
仙气雪山六宝冰($38)，餐厅连甜品都捞埋，款式涵盖台式刨冰同传统糖水等，价钱比起甜品舖相宜得多，就例如豆腐花同汤圆$1X就有交易😳。我哋要咗六宝牛奶冰，卖相好澎湃呢，但由于冇干冰，所以缺少咗仙气嘅部份，哈哈。🍧刨冰嘅牛奶味唔算突出，反而系靠雪糕嘅味道，其他配料仲包括三色芋圆、红豆、汤圆同仙草等。咁嘅价钱同份量难以再作批评。
仙气冰镇奶茶
8 浏览
0 赞好
0 留言
题外话，呢度环境几舒服，楼层面积大，座位阔落，卫生情况良好👍。虽然都系食茶餐厅嘢，但佢比连锁店或地舖好坐得多，而且装修其实仲几有心思添，墙画好有地道特色。
总括嚟讲，我会形容今餐系性价比高嘅港式风味大餐😋🇭🇰💯。每样食物出品味道都唔错，质素平均。餐厅定价唔贵，甚或直接用抵食来形容都得，唔好忘记呢度系铜锣湾区啊。下次行开铜锣湾，我哋都会再嚟帮衬！
张贴
