一品星廚 (已結業)

疫情关系搞到我都早左食饭，系湾仔行到五点几就揾下有咩食啦，见到依间一品星厨价钱几抵就入左去。员工都好亲切，一入去个个都笑哂口，依个唔系间间餐厅都做到。咁睇左menu见佢有厨师推介，就决定叫个芙蓉蛋饭。好多地方既芙蓉蛋都好hea，煎又唔够耐，会好淋，又无乜料，所以去到啲未去过既餐厅有得拣我都会试佢地既芙蓉蛋饭。咁个芙蓉蛋饭黎到一睇就知唔求奇，煎得好香，但唔系好油反哂光。一切开，入面唔会系好多鼓油，少少地，几surprise。咁放入口，好香，好够热，蛋味好浓，煎得岩岩好唔会黑哂但又够脆，重点系一啲都唔油，又唔会太干身。料方面都好多，有虾仁，叉烧，火腿，洋葱，葱，系每啖都有料，唔会只系得蛋，足料到我都觉得好抵食，一啲都唔hea。如果疫情过左可以晚市我都会想黎再食，睇佢menu都好多野食，老板话到时会重推抹茶豆腐花！我好想试呀！