烚時・滾動 (裝修中)

⭐️ 太子砵兰街附近揾食，经过「烚时·感动」比呢个名吸引我哋两个女仔入去😍其实餐牌有「半份」叫，啱晒我哋女仔胃口，可以叫多几款😋======= ======= ======= =======打边炉最重要系汤底同埋牛肉，呢两样嘢绝对无令我哋失望，加咗好多分💯🥬芫荽皮蛋汤底$58（中锅）好足料，芫荽真系多到爆，啖汤好浓郁，简直系芫荽控嘅天堂。🥩美国安格斯三国肥牛$128（细份）肥牛纹理好靓，口感软腍有鲜牛味，而且好抵食，真心好正。另外叫咗扇贝、韭菜饺、稻庭乌冬、娃娃菜、山根，全部新鲜材料，特别赞韭菜饺真系好香好好味😋仲有我哋最爱嘅「支装可乐」，每人饮咗几支，再饮埋一大碗芫荽皮蛋汤，非常饱足了。另外楼上铺嘅关系，好有私人空间嘅感觉，可以尽情地倾偈，我哋话一定会再嚟帮衬。