影片
更多
2024-02-07
697 浏览
💁♀️💁♂️ 31/01/2024(Wed), Dinner🍽沙田嘅好运中心经过翻新之后，商场嘅环境好咗之余，亦都引入咗唔少嘅食肆。🙋♀️为食妙妙同🙋♂️A先生今晚放工后就去到沙田揾食，平时通常就去新城市广场比较多，今晚就去隔离嘅好运中心睇睇翻新后有乜好食先😋😋😋。行完一轮，最终我哋选择咗去🔥二锅头食火锅🍲放题，见佢价钱吸引，装修都整洁舒服，一于试试好唔好食先！而今晚我地order咗：🔆 120分钟晚市火锅🍲放题（B - 严选安格斯牛）（$268/person）放题本身有二锅头惹味鸡煲 、黑椒猪手煲 、秘霎火焰牛尾煲同9种免费嘅汤底，由清汤到川式、泰式、甚至越式都有，总有一款岩你心水。不过今次我哋见到有羊腩煲可以用$88加配，天气仲系乍暖还寒嘅情况，一于整返煲🍲嚟暖一暖身先😋😋。落单后羊腩煲好快就送上，当然都会跟埋画龙点睛嘅腐乳酱。虽然只系放题嘅火锅🍲店，但呢煲羊腩煲绝对系交足功课👍👍👍👍，汁料浓稠而味道浓郁入味，羊腩炆得够火候，夹起见到系连皮带骨嘅腩位，入口腩骨轻轻一咬就已经骨肉分离，腩肉够腍但又唔会好松散，加上应有嘅配料如马蹄、笋、枝竹、冬菇、竹蔗等，绝对比得上酒楼餐厅几百蚊一煲嘅
💁♀️💁♂️ 31/01/2024(Wed), Dinner🍽
沙田嘅好运中心经过翻新之后，商场嘅环境好咗之余，亦都引入咗唔少嘅食肆。🙋♀️为食妙妙同🙋♂️A先生今晚放工后就去到沙田揾食，平时通常就去新城市广场比较多，今晚就去隔离嘅好运中心睇睇翻新后有乜好食先😋😋😋。
行完一轮，最终我哋选择咗去🔥二锅头食火锅🍲放题，见佢价钱吸引，装修都整洁舒服，一于试试好唔好食先！
而今晚我地order咗：
🔆 120分钟晚市火锅🍲放题（B - 严选安格斯牛）（$268/person）
放题本身有二锅头惹味鸡煲 、黑椒猪手煲 、秘霎火焰牛尾煲同9种免费嘅汤底，由清汤到川式、泰式、甚至越式都有，总有一款岩你心水。不过今次我哋见到有羊腩煲可以用$88加配，天气仲系乍暖还寒嘅情况，一于整返煲🍲嚟暖一暖身先😋😋。
落单后羊腩煲好快就送上，当然都会跟埋画龙点睛嘅腐乳酱。虽然只系放题嘅火锅🍲店，但呢煲羊腩煲绝对系交足功课👍👍👍👍，汁料浓稠而味道浓郁入味，羊腩炆得够火候，夹起见到系连皮带骨嘅腩位，入口腩骨轻轻一咬就已经骨肉分离，腩肉够腍但又唔会好松散，加上应有嘅配料如马蹄、笋、枝竹、冬菇、竹蔗等，绝对比得上酒楼餐厅几百蚊一煲嘅羊腩煲❤。🙋♀️为食妙妙同🙋♂️A先生试过喺第二间火锅🍲放题店加钱转配嘅羊腩煲就同呢度差天共地，𠮶间嘅羊腩煲最多只能称之为羊腩汤底，汤汁水汪汪之余亦唔够味🙅🏻♀️🙅🏻♂️。
食到咁上下就可以加汤去火锅，食嘅时候记得要留意电磁炉嘅火力，因为个汁都比较浓稠，较易会煮干水，要留意返适当时候去加返汤。餐厅内有雪柜主要有蔬菜🥬、菇🍄类、丸类等可以自取，另外亦可以用QR code落单点选肉类🥩同海鲜等等。值得一提嘅系我哋叫咗几转安格斯牛板腱同封门柳，每次嚟嘅肉类都切得比一般放题店为厚，食落口感比较充实，肉味浓郁亦比较能食得出唔同部位嘅质感。
其他比较特别嘅系有得点鸡子、白鳝等，唔系咁多火锅🍲放题店有提供，岩晒喜爱鸡子嘅🙋♀️为食妙妙，其他配料如鹅肠、牛柏叶、墨鱼🦑仔等等应有尽有，而且都新鲜好食。
饮品主要都系🍻啤酒、汽水同茶类饮品，放喺雪柜自助任取；最后仲有雪糕柜可以任食雪糕；一个价钱有得食鸡煲/猪手煲/牛尾煲，仲可以食埋火锅、甜品同饮品，食足2个钟性价比超高。
🔆🔆🔆🔆🔆🔆🔆🔆🔆🔆🔆🔆🔆
❤🙆♂️(A先生)整体食评：9/🔟
❤🙆♀️(为食妙妙)整体食评：8.5/🔟
👉🏻 一个价钱有得食鸡煲/猪手煲/牛尾煲，再加埋火锅放题，性价比超高
👉🏻 喜欢食羊腩煲嘅绝对值得加钱去转，足料好味
👉🏻沙田分店仲独有午市火锅放题，而午市放题有90分钟 或120分钟火锅放题可供选择
A先生车友指数 🚗
🛣️ 交通容易指数：🚗🚗🚗🚗🚗(5/5)
🅿️ 泊车容易指数：🚗🚗🚗🚗🚗(5/5)
👉🏻 好运中心本身有停车场🅿️，购物或者饮食都可享泊车优惠；或者隔离嘅新城市广场都有停车场🅿️
👉🏻 沙田站沿住商场过嚟都系大约5分钟路程，港铁、巴士、甚至小巴都有唔少选择
🔆🔆🔆🔆🔆🔆🔆🔆🔆🔆🔆🔆🔆
张贴
