正斗火鍋

营业中

休息中

天气冻冻地，就系最佳打边炉嘅时间啦。去完天悦广场买嘢之后就call埋住喺附近嘅朋友一齐落街食晚餐啦。朋友知道我想打边炉之后就带我去佢食过嘅火锅店，话呢度唔错。点咗个2人火锅套餐。$268都已经包括有几款配料，我地怕唔够食所以再加多咗少少，后尾系食唔晒。拣咗沙嗲鸳鸯锅，因为番茄薯仔锅平时喺屋企都可以食得到。沙嗲汤底味道浓郁，唔会水水咁，加咗配料后都唔会唔够味。配料仲有炸鱼皮、手切安格斯牛肉、手打四宝丸、生菜同埋出前一丁，我地另外加咗响铃及午餐肉。所有份量都唔少，配料又新鲜，加埋每位都唔贵，差D饱到行唔到。