鹵家

营业中

休息中

元朗一向多好野食，卤家就系其中一间卖烧味出名到九龙人都会专登入黎食既餐厅😆回访多次都系食叉烧，今次就介绍吓其他烧味菜式！餐牌上有好多唔同烧味同埋小食选择，价钱相宜特制盐香鸡盐香鸡鸡肉好嫩滑，连皮食都唔会觉得油腻，每一啖食落去都有淡淡咸香，配埋姜蓉送饭好正！就咁睇相已经觉得份量好大方，其实喺第一层鸡肉下面仲有多一层，超级饱肚！梅子脆烧鸭烧鸭肉质虽然冇鸡肉咁嫩，但鸭肉味浓，块皮烧得脆口亦唔会太肥，配上梅子酱酸酸甜甜，食咗几块都唔怕腻！酒仙醉鸡卷一开盖就闻到淡淡酒香，鸡肉扎成圆形卷状切成一块块，配上杞子摆盘。鸡肉嫩滑，食落去酒香味浓，必试！晚饭套餐跟埋大大兜白饭同埋住家老火汤，老火汤标榜冇味精，又够味又足料！