影片
更多
2024-04-28
1570 浏览
分享一下今晚喺科学园入面一间梨满园韩式餐厅食烧肉放题嘅体验。店内枱櫈摆放整齐，每张枱都有足够空间，用餐唔会觉得拥挤，枱上放置精美餐具同烧肉所需嘅烤盘、夹等工具，干净冇笠痴痴，搭配柔和灯光同温暖嘅色调，墙上挂著韩国风格嘅画作同装饰品，营造出浓厚嘅韩国氛围，比人感到放松舒适。烧肉放题所提供嘅种类除左烧肉嘅食材例如海鲜、肉类、菇菌类等，仲有韩国料理，前菜、小食、汤品、主食、寿司、刺身等等，饮品都有啤酒、汽水、茶，款式都几多。我地主要都叫左唔同嘅肉类，美国牛板键，肉质鲜嫩多汁，烤至微焦嘅外皮带有浓郁香气。横隔膜肉同牛肩肉都令人惊艳，口感丰富，带有满满肉汁，令人欲罢不能。除左牛肉，厚切猪五花腩片同猪颈肉都系我最爱。猪肉经过烧烤后，肥瘦相间嘅口感，又软又脆实在令人回味无穷。仲有烧带子，外观金黄诱人，散发著淡淡嘅炭烤香气，质地鲜嫩多汁，带子鲜甜。除左烧肉都叫左唔同种类嘅食物，海带汤清爽可口，豆腐辣汤口味浓郁、辣辣嘅香气四溢，闻落已经好吸引。辣汤融合豆腐嘅细腻口感，香辣度调较刚好。另外韩式炸鸡外酥内嫩，能够保留鸡肉嘅原汁原味，又带有独特嘅韩式风味，美味十足。而鸡肉石锅饭味道浓郁鲜美，石锅中嘅饭粒吸收各
店内枱櫈摆放整齐，每张枱都有足够空间，用餐唔会觉得拥挤，枱上放置精美餐具同烧肉所需嘅烤盘、夹等工具，干净冇笠痴痴，搭配柔和灯光同温暖嘅色调，墙上挂著韩国风格嘅画作同装饰品，营造出浓厚嘅韩国氛围，比人感到放松舒适。
烧肉放题所提供嘅种类除左烧肉嘅食材例如海鲜、肉类、菇菌类等，仲有韩国料理，前菜、小食、汤品、主食、寿司、刺身等等，饮品都有啤酒、汽水、茶，款式都几多。
我地主要都叫左唔同嘅肉类，美国牛板键，肉质鲜嫩多汁，烤至微焦嘅外皮带有浓郁香气。横隔膜肉同牛肩肉都令人惊艳，口感丰富，带有满满肉汁，令人欲罢不能。
除左牛肉，厚切猪五花腩片同猪颈肉都系我最爱。猪肉经过烧烤后，肥瘦相间嘅口感，又软又脆实在令人回味无穷。仲有烧带子，外观金黄诱人，散发著淡淡嘅炭烤香气，质地鲜嫩多汁，带子鲜甜。
除左烧肉都叫左唔同种类嘅食物，海带汤清爽可口，豆腐辣汤口味浓郁、辣辣嘅香气四溢，闻落已经好吸引。辣汤融合豆腐嘅细腻口感，香辣度调较刚好。
另外韩式炸鸡外酥内嫩，能够保留鸡肉嘅原汁原味，又带有独特嘅韩式风味，美味十足。而鸡肉石锅饭味道浓郁鲜美，石锅中嘅饭粒吸收各种食材嘅风味，口感香糯，配上韩国辣酱甜甜而香辣，满满嘅幸福感。
整体而言，今次嘅韩烧体验能够一次过享受到韩国美食丰富多样性同埋独特风味。而且店内抽风设备完善，唔会有油腻同焗促感，唔错。
张贴
