Moreish & Malt (美國萬通大廈) (已結業)

同男朋友庆祝周年纪念去咗依间好多人推介嘅西餐厅食饭，一去到已经觉得个vibe好舒服，staff都好有礼貌。一共order左5样野食，有黑松露薯条、墨西哥芝士鸡肉馅饼、烧春鸡、蕃茄烩牛肉意大利饭同特浓豆腐芝士饼。墨西哥馅饼好惹味，仲有三种酱，牛油果酱、sour cream 同蕃茄酱都好好味。黑松露薯条好脆，不过有少少漏。烧春鸡好入味，配菜都好好食，但有啲干。蕃茄烩牛肉意大利饭好好食，牛肉好淋，好重蕃茄味。最钟意嘅系特浓豆腐芝士饼，好重豆腐味，唔会太甜。最后想特别赞吓啲staff同manager Kumar，好有礼貌好helpful ！令餐厅气氛好好～系一间值得encore嘅西餐厅。