Cafe Paradise (東寶大廈) (已結業)

朋友相约收工后饭聚，近近地喺公司附近揾食。门口见间铺头格局清新，蓝天白云天使翼，环境好relax 咁。入到去环境阔落，唔会密质质。餐牌食物主要以西餐为主，亦有铁板烧、窝夫等食物。我地点左个set Dinner, 个餐有田园沙律，沙律菜几新鲜，亦有面包糠点缀。餐汤系周打蚬汤，汤浓稠度适中亦香滑。主菜系美式BBQ猪排骨，个排骨卖相唔错，好大份，上枱时香味扑鼻，颜色都烧得好靓，切落去骨肉分离，好味道。甜品本身系跟两件一口芝士蛋糕，我见隔离枱食紧个窝夫好吸引，加钱upgrade左食士多啤梨窝夫，窝夫好香脆，口感软绵绵，配上士多啤梨雪糕，一冷一暖好好味，真系完美嘅作结。