住家菜 (柯士甸道)

营业中

休息中

星期六被叫返工，仲要系放假MOOD中，真系一件非常痛苦既事，午饭就去了附近的住家菜解决。住家菜是我每次谂唔到食咩既时候都会去帮衬既地方，原因系款式多，实有一款啱食，而且有汤，有甜品，十分丰富。餐厅大部份是卡位，座位舒适且光猛，完全无食茶餐厅既又迫又湿既感觉。点了餐后，先送上罗汉果菜干猪骨汤，罗汉果有甜味，加上菜干两者的鲜甜回甘的感觉，汤甜且滋润，冬天最啱饮。同事叫的豉汁蒸西糟西糟已去骨，有半份份量，是每天新鲜取货，所以鱼肉新鲜鲜甜，没有鱼腥味，肉质嫩滑，而且雪白无骨，加上豉汁蒸，豉汁咸味落了在鱼肉内，有咸味亦提鲜。我点的虾酱蒸猪肉片虾酱味比较淡而且甜味较重，肉片混合了碎冬菇、豆卜及虾米等，其中豆卜吸收了所有的精华，有菇香又有鲜味，比猪肉片更吸引，另外猪肉人手切片，不会太厚，肉质嫩腍，非常入味，送饭一流。最后上埋糖水绿豆沙，有很香的臭草味，还有海带，绿豆煲得很腍及爆花，甜度适中。茶餐厅价钱，中菜馆级数，性价比高，是我其中一间最喜欢的餐厅。