養心殿台式養生鍋 (已結業)

放假约咗朋友食午餐，之后去行街街，由于未食早餐，好肚饿，医咗肚先。今日嚟到养生殿台式养生锅，见到有人中午打边炉，但今日我想试下佢地午餐。其实之前都有试过夜晚打边炉，已经觉得好正，未试过佢地嘅午餐，所以决定一试。我就点咗九层塔三杯鸡，嚟到仲感觉到镬气，唔系整定，正！碟𩠌嘅份量好多，而且带有淡淡的酒香，鸡肉调味香浓，而且肉质嫩滑，配料的菇都好好味，送饭一流！而朋友就点咗招牌极品台湾牛肉面，份量好多，牛肉足足有五大块，朋友话几好味，但见佢碗面食唔晒，可能份量太多。午餐仲跟餐汤及饮品，以价钱来讲真系好性价比㗎！有机会下次可以中午打边炉，原来中午系半价！