Red Lobster (Fashion Walk) (已結業)

今日放假专程嚟到呢一间龙虾专门店食午餐， 最初系畀佢嘅优惠吸引而来， 因为佢哋而家点一款龙虾主菜， 就可以加一蚊食牛扒。 但当入到去见到佢个set lunch menu， 觉得仲抵食， 因为有埋餐汤和嘢饮。 今次试咗波士龙虾尾配椰子姜饭和牛扒饭， 牛扒饭嘅肉眼扒肉质细嫩， 够牛味， 饭用咗五谷米， 配菜有烧蕃薯、 西兰花和椰菜花， 食完之后觉得自己健康晒， 大满足。 另外一个主菜就麻麻地， 龙虾有啲韧， 椰子姜饭冇姜味。 不过呢度啲服务好细心， 服务员主动过嚟问我哋啲嘢啱唔啱食， 我哋照实同佢反映咗意见， 职员喺我哋埋单之前仲送咗件芝士蛋糕畀我哋食， 呢间餐厅虽然系美国餐厅， 不过出奇地件芝士蛋糕唔系好甜， 而且好好食， 呢个真系一个小惊喜， 完全冇谂过佢哋嘅service recovery做得咁好。 另外佢哋唔收加一， 仲要车打芝士松饼任食，赞！