你妳 (運通洋樓) (已結業)

一直都好钟意食台式小食，所以就慕名嚟到呢一间开咗一排嘅小店。呢间小店专卖芋泥吐司同炸甜不辣。由于小店座位比较少，所以晚饭时间既轮候时间比较长。黄金咸蛋黄芋泥紫薯吐司呢一份吐司包含咗三款我最钟意嘅食物，就系咸蛋黄，芋泥同紫薯！成份吐司嘅馅都多到要爆出嚟，我觉得紫薯嘅味道更香更特别，加上咸蛋黄嘅香味，真系好好食！甜不辣 地瓜番薯条呢一个甜不辣同薯条一定系呢一间铺必食嘅其中一款食物！首先甜不辣系将烟韧嘅甜不辣切成一片片油炸，外脆内烟韧嘅口感令人欲罢不能。呢个价钱，再有埋番薯条真系好抵食。台式牛肉面讲起台式小食又点少得经典嘅牛肉面，呢度嘅牛肉煮得好软好入味，比起其他卖牛肉面专门店都唔会输。饮品最后我哋叫咗两杯饮品分别系炭焙可可珍珠奶茶同抹茶奶绿珍珠，我觉得两杯饮品都好高质，唔会太甜。