日和号壽司料理 (已結業)

去Megabox睇完Top Gun，出嚟见到呢间装修好特别嘅日和号寿司料理，我哋决定入去试吓。餐厅用咗日本火车做主题去装修，我哋咁啱坐嘅卡位就喺火车入边，直头有啲坐住日本火车去食寿司嘅感觉😂坐低一睇个餐牌，发现原来好多刺身寿司都有半价优惠，我哋决定叫多几样嚟试吓。刺身我哋叫咗三文鱼腩、剑鱼腩、油甘鱼同帆立贝。每样都份量十足，质量亦唔错。当中我哋两个都觉得三文鱼腩切得好厚，食得好高兴，值得推荐！跟住叫左几款军舰寿司，有三文鱼籽、海胆同碎呑拿鱼腩。海胆份量较少，不过都系新鲜嘅。我哋其他点嘅寿司当中，我哋比较喜欢烧左口鱼，因为油脂较丰富。烧蟹棒亦都唔错，可以试下。