影片
更多
2015-11-02
1535 浏览
踏入秋天，又系食大闸蟹季节。以往鸿星好似系8:30后先有8折，而家全日有优惠，good～两人份套餐有两个价钱，两个餐都有每人3只大闸蟹，只系贵的多左道翅，我选左平的（八折$318），食得饱饱，质素又高，抵食。先上 烧腩伴肴肉，烧腩仔热辣又松化，肴肉未算有惊喜，但都ok的。再来系 蟹粉汤包（每人一只），皮够薄，汤汁热而且多，蟹粉亦满有甘香，每人得一只真系唔多够喉。此时 大闸蟹上枱喇，先来每人两只蟹公，虽然系蟹公，但都唔好睇少，几乎系爆膏状态，滑溜的蟹膏非常甘香，大闸蟹蟹肉一向唔多，主要集中系蟹脚，点醋食一流。后上的每人一只蟹乸，蟹膏系固体状，色泽亦较橙红，虽然膏系比较多，但我都系钟意蟹公的质感多d。 黑椒泡响螺柳分量唔多，响螺肉有弹性，配黑椒好惹味，翠玉瓜亦爽甜。 金肚带子羹上枱前会以煲仔加热，所以好烫口，味道出奇地好，调味足，粟米加添左甜味，鱼肚同带子都落足料，好想饮多碗。 腊味饭并非腊味炒饭，系将切碎腊肉腊肠等铺在糯米饭面蒸，不过同样好食，糯米吸晒腊味香味，而且软硬适中，所以虽然好饱，都忍唔住食晒。结尾的甜品系 红枣糕，我平时唔钟意食，因为唔钟意咬到红枣，但呢个只会食到红枣
两人份套餐有两个价钱，两个餐都有每人3只大闸蟹，只系贵的多左道翅，我选左平的（八折$318），食得饱饱，质素又高，抵食。
先上 烧腩伴肴肉，烧腩仔热辣又松化，肴肉未算有惊喜，但都ok的。
再来系 蟹粉汤包（每人一只），皮够薄，汤汁热而且多，蟹粉亦满有甘香，每人得一只真系唔多够喉。
此时 大闸蟹上枱喇，先来每人两只蟹公，虽然系蟹公，但都唔好睇少，几乎系爆膏状态，滑溜的蟹膏非常甘香，大闸蟹蟹肉一向唔多，主要集中系蟹脚，点醋食一流。后上的每人一只蟹乸，蟹膏系固体状，色泽亦较橙红，虽然膏系比较多，但我都系钟意蟹公的质感多d。
黑椒泡响螺柳分量唔多，响螺肉有弹性，配黑椒好惹味，翠玉瓜亦爽甜。
金肚带子羹上枱前会以煲仔加热，所以好烫口，味道出奇地好，调味足，粟米加添左甜味，鱼肚同带子都落足料，好想饮多碗。
腊味饭并非腊味炒饭，系将切碎腊肉腊肠等铺在糯米饭面蒸，不过同样好食，糯米吸晒腊味香味，而且软硬适中，所以虽然好饱，都忍唔住食晒。
结尾的甜品系 红枣糕，我平时唔钟意食，因为唔钟意咬到红枣，但呢个只会食到红枣香，唔会有一粒粒红枣，糯米糕烟烟韧韧，唔太甜，好满意。
随餐会附送橙汁或花雕酒一杯，食完大闸蟹亦会奉上姜茶，姜茶暖胃好饮，热情好客的侍应不断为我们添饮，好细心。呢度的大闸蟹餐性价比高，今年一定有机会再encore。
值得去指数：
张贴
