Coffee Break (TKO Gateway東翼)

营业中

休息中

今日约咗朋友叙旧，去了将军澳shopping顺便揾嘢食。无意中俾我哋发现咗一间环境不错，又经济实惠的西餐厅。环境灯光气氛不错。还有旅游书可以借阅。部份座位可以望到街景，我地拣咗一张近边的梳化位，坐得舒服叫左二人套餐，性价比高已包两款主食、沙律、餐汤、餐饮，仲有甜品添。唔计加一$400有找。🌸餐汤蘑菇忌廉汤，几有水准，不过份量就少咗一点。🌸烤罗马生菜配烟三文鱼好有诚意，而且份量足，罗马生菜经烤过，唔钟意食生野的人就最啱，烟三文鱼有三大块好生鲜，加左蕃茄仔，少少沙律酱，唔错。🌸美国安格斯肉眼扒牛扒份量足，烧得刚刚好，肥瘦适中，油脂均匀，伴碟有菜蔬类排列在后排，卖相唔错。🌸松子仁青酱带子意粉青酱是用蔬菜制成的酱汁所以感觉清新特别，酱汁刚好挂在意粉中。而带子有两大旧，新鲜弹牙，加了松子多咗一份口感。🌸甜品Tiramisu卖相好靓，Tiramisu唔会太甜，不过稍嫌多左dd忌廉，好有心思，有只用cream造成的啤啤，打卡一流。