影片
更多
2016-12-18
407 浏览
［食评初体验］平时好少写食后感，不过今次真系不得不写！就快年尾，难得可以出公数请客食饭（当系答谢客人成年既支持），当然拣间高级餐厅去威威。讲到要威，点少得日本料理？住左呢区十几年都知元朗多日本野，但贵价又有质素既唔多，系近呢一两年先多左以寿司起家既餐厅做卖点。 本身有谂过去果间高级寿司店，但又好似太普通，所以见到有杂志介绍呢间铁板烧走和洋风，就一于试下。虽然位置有点隐敝，但胜在远离大街，加上入面得几个位全部对住铁板师傅，感觉好似系日本横街小巷的店子劲有亲切感。谂都唔谂就拣左最贵的二人和菊套餐, 有齐鲍鱼龙虾带子同A4和牛呢D贵野，起码唔会得失个客。一路食师傅会一边讲解，感觉好尊贵，而且配搭都几得意，同食开既铁板烧唔同。最深刻系个带子，用菊花烟熏之后加埋菊花茶啫喱，食落好清新的花香，而且带子生熟度控制得好，入面仲好嫩口，比起我去君悦食既铁板烧质素差不多。其他的和牛龙虾都食得出系揼本靓料，所以话听落二千几蚊两个人好似好贵，但其实睇返个用料又唔算贵都OK，见到个客好似食得都几满意，而且个师傅又好倾，边食仲边请我地饮酒，搞到我个客劲开心，下年D生意有著落！总结： 食物质素好，系宴客既首选！不过
平时好少写食后感，不过今次真系不得不写！
就快年尾，难得可以出公数请客食饭（当系答谢客人成年既支持），当然拣间高级餐厅去威威。讲到要威，点少得日本料理？住左呢区十几年都知元朗多日本野，但贵价又有质素既唔多，系近呢一两年先多左以寿司起家既餐厅做卖点。 本身有谂过去果间高级寿司店，但又好似太普通，所以见到有杂志介绍呢间铁板烧走和洋风，就一于试下。
虽然位置有点隐敝，但胜在远离大街，加上入面得几个位全部对住铁板师傅，感觉好似系日本横街小巷的店子劲有亲切感。谂都唔谂就拣左最贵的二人和菊套餐, 有齐鲍鱼龙虾带子同A4和牛呢D贵野，起码唔会得失个客。一路食师傅会一边讲解，感觉好尊贵，而且配搭都几得意，同食开既铁板烧唔同。最深刻系个带子，用菊花烟熏之后加埋菊花茶啫喱，食落好清新的花香，而且带子生熟度控制得好，入面仲好嫩口，比起我去君悦食既铁板烧质素差不多。
其他的和牛龙虾都食得出系揼本靓料，所以话听落二千几蚊两个人好似好贵，但其实睇返个用料又唔算贵都OK，见到个客好似食得都几满意，而且个师傅又好倾，边食仲边请我地饮酒，搞到我个客劲开心，下年D生意有著落！
总结： 食物质素好，系宴客既首选！不过未必可以日日都食几千蚊，胜在有唔同套餐选择，丰俭由人，下次可以一试午市套餐。
张贴