慢煮工業 (已結業)

朋友带我黎食慢煮餐，朋友订了8:15pm，星期四亦坐满客人。店舖由门面到内在摆设都充满小心思，门口有个cajon，俾人坐?8:15pm准时安排入座，眼见店内已坐满客人，经店员带领，原来入面另有位置，亦有楼上座位。食物唔算贵，而且唔收加一服务费，性价比高。想试ge手工啤全部都冇晒，只好叫cider，野莓味苹果酒($40)好甜，似饮汽水，易入口。楼上座位更清静，同样有充满心思ge摆设，亦设有自助餐具及酱料区。法式猪鞍($98)，肉质非常软，冇油腻感，调味适中。甜萫薯条($28)偏干身，而且味道较啖，点茄汁或沙律酱更好食。芝士流心蛋大啡菇($30)上面铺上一大块芝士，切开后蛋黄流出。波士顿龙虾半只($78)壳偏软身，钳唔开但可以用撕开，虾身亦有芝士。慢煮伯爵茶梨子配雪糕($48)我地选配玄米茶雪糕，店员为我点蜡烛，初初以为个心心系装饰，好靓。原个梨子，颜色以浸满焦糖，食落口，系好香ge茶味，好有惊喜。玄米茶雪糕同样好香茶味，不过因为梨子茶香更大，要清一清个口先试到玄米茶味道，伯爵茶+玄米茶双倍茶香。