拉麵天王 (已結業)

元朗都有好多食拉面嘅餐厅，今晚就选择咗拉面天王。拉面天王位置尚算方便，喺元朗千色店行过去大概两分钟就到，门口仲有十几个咪镖位，绝对适合驾车嘅食客。我哋一入到去，店员即殷勤地招待及安排座位。店内环境尤如置身于日本嘅拉面店内，好浓厚日本风。稍后睇一睇张落单纸，店员同时都解释甚么是限定天王（天王师傅因应不同月份同季节去选择食材，继而决定做边款拉面），限定天王有两种，分别系胡椒天王同味噌天王，。最后我哋Order咗胡椒天王同黑天王，另加小食两份同汽水两支 - 豚角煮/烤饺子、可乐/忌廉。胡椒王天有好重黑胡椒味，加上香浓芝士慢慢融入汤内，近乎每一啖拉面都有芝士跟黑胡椒味。面方面选择普通，食落柔软度适中。另外粟米好甜同味蛋都好滑。另外一碗系黑天王，一嚟到已闻到好重黑蒜味，先饮啖猪骨汤，个汤真系好浓味。面底选择咗软，咬落真系做得好，非常软。叉烧亦做得好好，入口仿如融喺口𥚃面。由于个汤实在太浓，最后竟然不其然地将个汤饮哂。豚角煮听就听得多，但系我哋都系第一次试。肥肥的豚角肉配上甜甜嘅照烧汁真系绝配，豚肉肥瘦适中，一定要试。烤饺子亦都系一个好食嘅小食，饺子底部脆脆地，咬落肉汁鲜甜，点少少醋真系可以话齿颊