一樂日本料理 (已結業)

预先打定电话去book 位， 夜晚6点准时入座。 虽然只有3个人去但都可以坐5-6人卓，比以前食过其他放题餐厅坐得舒服d。睇落都有大桌，8，9个人黎都可以一齐坐。餐厅用手机入wechat 点菜，唔驶好似平时放题咁写纸，方便又环保。店员服务态度都几好收碟收得好快，仲准备埋其他碟。 寿司细细旧好易入口，唔驶惊食饭食到饱，而且有好多种，建议每样叫少少可以试多几款。刺身都好新鲜同厚切，尤其系吞拿鱼同三文鱼! 个人最钟意带子同甜虾! 鸡翼，翠玉瓜，烧菠萝，牛舌都好正，烧得好香好入味。牛舌可以番叫👍 强烈推荐炸榴梿, 上菜10分钟个流心都仲热，而且好重榴梿味。 三个人都钟意食榴梿，每人食左3粒。食到最后先知原来餐厅另一边仲有另一个自座bar , 有d 即煮熟食。如果唔想食咁多生冷野都有唔少选择换下口味。甜品都有好多，西式中式都有，岩晒钟意食甜野的朋友。最后仲有细杯 haagendazs 雪样送 !不过只有两只味选择。整体黎讲都好扺食 ，值得一试!