至尊滿屋日本料理 (已結業)

今日因为同事突然想食午市放题，但旺角嘅放题真系多不胜数，要拣真系有啲困难。最后我地决定拣一间系公司附近嘅，就系 “至尊满屋日本料理”。我地被安排坐卡位，坐位都阔落几舒服，唔会好似其他放题店咁迫。食lunch时间得好少，所以一坐低就即点野食。先点刺身，我地每样都有点，一黎到真系哗左一声，一首刺身船，卖相好掂。刺身好新鲜呀，无雪味。三文鱼，希灵鱼，呑拿鱼等等都厚切的，一啲都唔孤寒。寿司款式都好多，饭分量少，可以试多几旧。最钟意系海胆手卷，因为唔系间间都有，亦都比想像中好，无苦味。另外，小食方面都系大同小异，不过粒芝士球系有椰丝系出面，几特别同几夹。仲有最钟意嘅芝麻鸡翼，炸得好脆好入味。最后每人仲一杯雪糕送添！