大滿喜日本料理 (已結業)

朋友在观塘一个新楼盘到买左楼，陪佢过左黎睇层楼起成点，睇完之后肚饿就系观塘揾食，上网一search，系头几位就显示到呢间餐厅，一出lift就被个大大招牌吸引住，等左一阵，12点就可以坐低叫野食啦。靓靓嘅装修，同镜面的互相映衬，增加了空间感排列整齐嘅台台凳凳画好晒d野食，摆系隔离，谂住再睇下有无其他野画，冇谂到忽然间餐厅嘅侍应会自动帮我收取，呢个服务令我甚觉诧异，我之前食嘅放题大多都系要三催四请才能揾到人收单，而我地只系画底跟住摆系台边，好快就会有人过黎收单，呢个咁贴心的服务，真系值得一赞。 收完单隔左一阵，就即刻送来一盘又一盘嘅食物，个刺身拼盘，摆得精致之余，更加巧妙嘅系仲有个液态氮制造的云雾系刺身拼盘环绕，增加刺身嘅矜贵和”鲜”气。入口即化嘅鳗鱼，我地叫左两round。不过入口即化嘅又何止得鳗鱼呢？蒜香牛柳粒亦都唔少得啦!食完晒香口嘅野，当然不能忘记食埋甜品啦。里面应有尽有，我地食埋呢两个甜品，就真系大大满喜啦。地段，装修同食物都系众放题中上乘的，绝对值得推介。