八幡屋涮涮鍋 (已結業)

第一次食八幡屋，即到即入，可能时间尚早，唔算多人，装修仲系好新，感觉上几好feel，同埋都几干净，店员亦相当有礼貌。第一时间睇睇个放题餐牌先，价钱尚算平宜。上次朋友食过推介食特选美国牛肉，话唔系流野，所以我地今次都选左特选美国牛肉 $248，日式料理＋火锅放题任食两小时（另收加一）～ 汤底就选左骨胶原猪骨汤，因为我地今次黎主要想试下佢既肉，猪骨汤唔会抢左肉既味，同埋店员都推介。汤底黎到既时候真系有一会骨胶原另上，不过店员太快手，影唔切相。 系等紧水滚既中间，我地去左拎酱料，同一般日式火锅店一样，基本酱料都有。另外饮品亦都几齐，大部份罐装汽水同茶都有。呢个都有供应雪榚，系雀巢雪榚。可能有d人会扣分，但系我系雀巢雪榚香芋味既fan！所以到最后我一共食左两杯香芋味！当然佢有好多味选，不过其他果d我都无兴趣～ 牛肉黎左，睇黎唔错，非常均衡，食落都好有牛味。有好多铺头得第一碟系最靓，但之后我地叫既几碟都保持到水准，条理分明。值得一赞。肉既话佢除左牛，仲有豚肉同鸡件肉。 豚肉系一碟碟叫，鸡件肉就系自己系出面拎，质素都唔错。当然牛系最好食！ 有各类既菜，菇，瓜。仲有各种既丸、肠、餐肉，选择都算多。