町町丼丼 (濱海大廈)

营业中

休息中

今晩嚟到间日式丼饭专门店买外卖，呢间嘢系香港同九龙都各有分店。佢哋啲丼饭选择都好多元化，就连日式小食都有。价钱几掋，最平四十几蚊已经有碗丼饭，啱晒住系附近或者系附近返工嘅朋友喇。寿喜烧牛肉锅配乌冬（$56）- 除咗有肥牛，仲有豆腐、菇、鱼豆同好多娃娃菜。寿喜烧汁唔会太咸，配埋爽滑弹牙嘅乌冬真系必食。泡菜牛肉丼（$49）- 𩠌同饭分开上，唔怕浸淋啲饭👍泡菜汁用嚟捞饭系食真系一流。手撕鸡沙律（$46）- 估唔到咁大份沙律！分两餐食都仲得～ 啲鸡嘅份量真系好多，除咗有新鲜嘅沙律菜外，仲有青瓜丝，好爽口呀。滑蛋香煎鸡扒丼（$49）- 滑蛋真系炒得好滑，加埋芝麻更香，而鸡扒都煎得好嫩滑，$50蚊都唔洗就有咁丰富嘅饭，好掋食。