影片
更多
2017-09-06
103 浏览
年头既时候同朋友黎过呢度食晚饭，觉得非常超值，今日趁有旧同学聚会，一于一行四人黎再食过啦。今次既餐牌系以movenpick雪榚黎做主题，可能因为咁，餐厅多达八成系年轻女仕。有选择困难症既我地，费事谂食咩，一于叫个四人餐，有汤有主菜有甜品有饮品，加$48仲有个小食拼盘添。是日餐汤系西兰花忌廉汤，西兰花味好重，入口香滑，稀稠度刚刚好。4 人小食拼盘: 小食拼盘有肠仔，鸡翼，鱼柳，薯角同炸虾，炸得非常好脆，不过虽然话系四人拼盘，但唔系每一样食物都有四件，唔系咁易分。澳洲 T 骨牛扒配蒜蓉汁: T骨好大块，份量十足得黎肉质亦都松化美味。五成熟既牛扒，切开后肉质呈嫩红，入口有肉汁，带少少油脂，食落好香口。伴碟既薯角亦都整得非常香脆。香草海鲜忌廉汁天使面: 天使面唔太油，口感较软，海鲜份量亦都算足料，天使面亦都因为幼既关系所以吸晒香草海鲜忌廉汁既味度，非常香口，令人食到停唔到口。蒜泥白酒大蚬煮扁意粉:意粉同白酒大蚬系分开上，由于意粉本身无咩汁，分开上卖相睇落比较清淡。不过，用蒜蓉同白酒煮成既大蚬，入口清甜，用酱汁淋上意粉上食，味道刚刚好。香煎挪威三文鱼配龙虾忌廉汁:厚切既三文鱼洒上粗盐后煎过后，
今次既餐牌系以movenpick雪榚黎做主题，可能因为咁，餐厅多达八成系年轻女仕。
有选择困难症既我地，费事谂食咩，一于叫个四人餐，有汤有主菜有甜品有饮品，加$48仲有个小食拼盘添。
是日餐汤系西兰花忌廉汤，西兰花味好重，入口香滑，稀稠度刚刚好。
4 人小食拼盘: 小食拼盘有肠仔，鸡翼，鱼柳，薯角同炸虾，炸得非常好脆，不过虽然话系四人拼盘，但唔系每一样食物都有四件，唔系咁易分。
澳洲 T 骨牛扒配蒜蓉汁: T骨好大块，份量十足得黎肉质亦都松化美味。五成熟既牛扒，切开后肉质呈嫩红，入口有肉汁，带少少油脂，食落好香口。伴碟既薯角亦都整得非常香脆。
香草海鲜忌廉汁天使面:
天使面唔太油，口感较软，海鲜份量亦都算足料，天使面亦都因为幼既关系所以吸晒香草海鲜忌廉汁既味度，非常香口，令人食到停唔到口。
蒜泥白酒大蚬煮扁意粉:
意粉同白酒大蚬系分开上，由于意粉本身无咩汁，分开上卖相睇落比较清淡。不过，用蒜蓉同白酒煮成既大蚬，入口清甜，用酱汁淋上意粉上食，味道刚刚好。
香煎挪威三文鱼配龙虾忌廉汁:
厚切既三文鱼洒上粗盐后煎过后，卖相呈金黄色，入口外脆内滑，配埋龙虾忌廉汁食真系好好味。至于配碟既薯蓉亦都非常香滑，牛油味又唔重，值得一赞。
餐饮方面可以选择餐牌上22蚊或以下既饮品，叫其他饮品只需要俾返差价就得。 我地分别叫左玫瑰苹果醋，茉莉蜜糖梳打，蓝糖奇异果梳打同埋抹茶鲜奶。
茉莉蜜糖梳打: 茉莉花茶加入蜜糖同梳打水打过后，入口非常清新，甜甜地，亦都带轻轻既花香味，夏日炎炎饮真系可以消暑。
抹茶鲜奶虽然无漂亮既拉花，但系入口非常香滑，抹茶味好重，非常香浓，如果想吸引客人影相，建议整个拉花，咁相信好多人会即时「相机食先」。
饮品饮到一半既同时，我地期待已久既movenpick雪榚终于到啦，共有四种味道，分别系士多啤梨，朱古力，云尼拿同埋奶冻味，真系带俾我地女仕们难忘既晚上。
张贴
