龍城冰室

营业中

休息中

喺观塘放工，同事话屋企冇饭食，谂住同佢食个快嘅晚餐。平时都有食开龙门冰室嘅早餐，质素唔错，一于试吓晚餐系点。餐牌嘅选择好多，焗饭、小菜、西餐、铁板等一应俱全，选择十分多样化。而见佢一直都有做开二人小菜套餐，两个小菜加两个白饭加两个汤，只系$149。菜式方面有近40个选择，而且有好多海鲜𩠌菜例如龙趸，带子，花甲等等，冰室来讲确系有啲惊喜。我哋二人叫咗菜心炒龙趸球同西兰花带子，两个份量都系大大碟，鱼同带子都10分足料。西兰花炒带子带子都够弹牙，而且配料十足，呢个价钱呢个质素，系冰室嘅环境，性价比算好高。菜心炒龙趸球龙趸当然唔系贵价龙趸，但镬气够 炒得香口。汤方面，有中汤，白汤同红汤，我哋分别叫咗白汤同红汤，系正常茶餐厅味道不过不失。另外再叫多杯热朱古力当系饭后小甜品。