新泰東南亞餐廳 (已結業)

收工过后同友人想揾d酸酸辣辣既泰国菜食，但又唔想入到九龙城咁远，所以就去左唔太就脚(位旅铜锣湾同湾仔中间嘛)既新泰食喇! 好彩时间尚早，店铺都比较多位，一去到就有得入座喇! 事不宜迟，先讲讲点左既食物先! 首先既系泰式生虾。一向钟意食生食既我当然唔可以错过泰式生虾，生虾都系基本泰国餐厅必有既菜式吧！一碟有五只，每只生虾都好肥美，虾肉好厚身，完全有juicy既感觉! 中间既酱汁酸酸辣辣，入口后要等一阵先感受果阵辣味，十分过瘾！小妹绝对推荐! 跟住就系南瓜咖喱焗海鲜。咖喱汁好“杰”身，绝对唔系加咗好多水沟出黎。海鲜方面就有青口，尤鱼，虾等等。比较奇怪既系有炸鱼柳? 感觉有点似粟米斑块不过转左做咖喱汁! 但个咖喱汁绝对系胜出。最后就系甜品，斑兰糯米布甸。我一向都钟意食斑兰蛋糕，所以就试试个布甸。上面黄色既系斑兰布甸，下面系有点椰汁味既糯米。布甸较甜，配上下面淡味既糯米都可以。不过略嫌糯米太大旧，建议把布甸切一半成条状，再搭上少少糯米一口一口咁食吧，话晒布甸应该先系主角，而且卖相应该可以更好吧总结，泰式菜的确不错，每款都达到基本要求之余甚至做得更出色值得一食!