泰農菜館 (已結業)

最钟意同女朋友食泰国菜，今次去咗泰菜王国九龙城，求其去咗间我哋未去过嘅餐厅，真系意想唔到咁好食㖞，而食物价钱都唔贵。椰青 ($36)次次都会嗌椰青嚟饮，够清甜解渴，仲可以食埋椰肉。泰式明炉笋壳鱼 ($198)我唔食辣所以嗌咗非辣嘅明炉笋壳鱼，鱼肉鲜甜嫩滑，一啲都唔嗌，好好味。个汤汁酸酸地，仲有啲椰菜系掋，鱼又够大条，掋食。菠萝炒饭 ($88)呢个不过不失，份量够大，菠萝越食越开胃。椰汁千层糕 ($30)呢个最有惊喜，个椰汁千层糕竟然系热辣辣架，唔通系即叫即蒸？！口感劲烟韧弹牙，椰汁好香浓，呢个一定要食呀！