小曼谷泰國美食 (南角道)

营业中

休息中

去开九龙城梗系要食泰国菜啦！今次同朋友一出宋王台地铁站就见到呢一间小曼谷泰国美食，决定同朋友就喺呢度食晚餐！咸肉炒芥兰，芥兰好柔嫩，好新鲜！猪肉碎生菜包，有得选择辣度，我哋拣咗小辣，有辣嘅香味，但又唔会太辣，连唔系好食得辣嘅朋友都觉得食到。泰式鲜虾金边粉，份量好多，金边粉炒得啱啱好，唔会太干唔会太湿，食落好烟靭，虾都好大只好弹牙，配合埋花生更加有口感！泰式拼盘入边有虾饼、鱼饼、春卷、鸡枣点咗细份，每一款会有两旧，而且会帮你剪开一半，好贴心，方便share食。我觉得样都好好食，全部都系新鲜炸，好香脆，最喜欢虾饼，好重虾味！泰式咖喱法包软壳蟹，呢个咖喱好香口，配合面包，面包吸晒所有咖喱汁，真系一流，软壳蟹份量好多，而且都炸好脆。而饮品我哋每人点左一杯，而且有得选择甜度好好！我点咗椰皇沙冰小甜，好大杯，椰皇味好重，本身唔系钟意饮太甜嘅嘢所以我觉得少甜啱啱好。