影片
更多
2021-04-17
1128 浏览
呢间泰式餐厅最正系主食有分大同细，拣细份量可以食下其他小食。.牛肉船金边粉 $33 望落份量都唔少，虽然牛腩，牛丸同萝卜得一件，但肥牛唔少，仲有豆卜，通菜，芽菜等，好丰富。个汤味道有少少似肉骨茶几好饮。.香辣猪肉碎饭 $39 贵过海南鸡饭或者咖喱饭，呢个肉碎饭到底有咩咁劲？我讲唔出，但好食既，唔似卤肉饭咁有油香，但肉碎好香口，捞饭唔错，感觉无咁邪恶。.炸鱼皮配冬阴功汤 $26 正㖞！炸鱼皮好大碗好大块，唔系比啲碎，而个汤虽然无海鲜，但味道一流，几辣下，浸炸鱼皮食未试过，几特别。.泰式腐乳通菜 $21，好大碟！虽然望落有少少黄，但食落无渣，腐乳味几香。.猪肉串烧 $41/3串，餐牌上有个烤泰国山猪肉 $36好似更吸引，店员话前者有沙爹酱，后者口感无咁腍同埋酱烤味道唔一样，于是叫左有三只手指公既猪肉串，好食，加埋花生碎口感更丰富，个沙爹酱正！.泰国饺子 $31有四只，馅料有猪同鸡肉，蘑菇，萝卜同卷芯菜，煎饺比较香口，外皮少少脆，口感味道唔错，个酱汁嗒落有啲似泰式辣酱都几清新。.泰式奶茶 $20 樽装几细枝，够甜，正，但摊冻左唔够冻就无咁好饮。泰式柠檬茶 $20 系用泰式茶冲，味道同港式唔同
.
牛肉船金边粉 $33 望落份量都唔少，虽然牛腩，牛丸同萝卜得一件，但肥牛唔少，仲有豆卜，通菜，芽菜等，好丰富。个汤味道有少少似肉骨茶几好饮。
.
香辣猪肉碎饭 $39 贵过海南鸡饭或者咖喱饭，呢个肉碎饭到底有咩咁劲？我讲唔出，但好食既，唔似卤肉饭咁有油香，但肉碎好香口，捞饭唔错，感觉无咁邪恶。
.
炸鱼皮配冬阴功汤 $26 正㖞！炸鱼皮好大碗好大块，唔系比啲碎，而个汤虽然无海鲜，但味道一流，几辣下，浸炸鱼皮食未试过，几特别。
.
泰式腐乳通菜 $21，好大碟！虽然望落有少少黄，但食落无渣，腐乳味几香。
.
猪肉串烧 $41/3串，餐牌上有个烤泰国山猪肉 $36好似更吸引，店员话前者有沙爹酱，后者口感无咁腍同埋酱烤味道唔一样，于是叫左有三只手指公既猪肉串，好食，加埋花生碎口感更丰富，个沙爹酱正！
.
泰国饺子 $31有四只，馅料有猪同鸡肉，蘑菇，萝卜同卷芯菜，煎饺比较香口，外皮少少脆，口感味道唔错，个酱汁嗒落有啲似泰式辣酱都几清新。
.
泰式奶茶 $20 樽装几细枝，够甜，正，但摊冻左唔够冻就无咁好饮。泰式柠檬茶 $20 系用泰式茶冲，味道同港式唔同，唔落糖水个味都有少少甜同涩，加埋有少少青柠味，我几钟意！
.
现场见到有劲辣鱿鱼挑战，两分钟食得晒仲有$200奖金！不过我唔敢试，店员话坚辣，之前有人差啲成功挑战！食得辣又食得快既朋友有兴趣去参战拉！
.
餐厅环境几似Cafe，有好多Boardgame（唔知玩唔玩得XD）仲有个唱K系统，墙上有个Screen播住MV，但唔系泰文歌而系国语歌同英文歌！
张贴
