焰淑泰國餐廳 (已結業)

今日同朋友喺铜锣湾行街，忽然间好想食泰国菜。咁我就知道原来喺时代广场，登龙街𠮶度开咗间新嘅泰国菜。餐厅装修得舒适简洁好，适合我同朋友聚会倾计。一打开个餐牌我就比𠮶个小食拼盘吸引左！个拼盘有炸春卷，鱼饼，炸虾饼, 唔油腻，而且系新鲜炸出嚟！ 我哋order 咗个鲜虾炒金边粉！好好食！个金边粉炒得好香同分明，唔会炒到黐住。外层仲有一层蛋格作装饰，令到外相好吸引！新开张优惠，每日会有优惠价菜式选择。星期日系软壳蟹咖喱配法包。个咖喱汁令软壳蟹更加香口，放喺蒜蓉包上面一齐食更加有口感。最后我觉得呢度服务好好，我亦都好欣赏水加咗班兰叶，好友东南亚风味！