發哥粥底海鮮火鍋 (已結業)

今日去咗发哥𠮶度食海鲜餐，基本上有A 、B餐；A系吃龙虾；B系蟹，仲有鸡煲，三拣一。我哋就拣咗龙虾餐。跟餐首先会有前菜同埋炖汤，炖汤味都几浓，饮得出真材实料。每人仲有两只青口，系蒜蓉味。之后就到主菜海鲜，龙虾每人有半只，肉质都非常新鲜；蚬都非常之香甜，份量都唔少，虽然细细只。鲍鱼拣咗新鲜活鲍鱼，黎到仲识郁，肉质好新鲜，咬落弹牙，几好。食贝类有大蚬都系鲜甜新鲜，仲有虾同蛏子。虾肉爽甜蛏子系我其中最喜爱食嘅一款海鲜，蛏子都几大只。火锅配料仲可以拣八款，本身已有肥牛，叫了鱼皮饺、韭菜饺、黑豚肉、鱼片头、墨鱼滑、菜等等。呢度海鲜新鲜，边炉价钱亦唔贵，打边炉又一好选择。