四點金飯店

营业中

休息中

乡下系潮州嘅我，由细跟住婆婆所以系食潮州菜大㗎😆所以一直都会同屋企人周围试潮州菜馆，今次经亲友介绍就嚟试下呢间「四点金」啦！装修嘅外馆的确好似潮州当哋嘅一啲出名菜馆咁样，入到去环境都好唔错干干净净！我哋系坐二楼，二楼俾我嘅感觉无地下果层咁热闹，二楼安静啲而且空间仲阔落好多整体都好企理！服务方面真系一定要开一段嚟讲，由入门口开始所见到嘅职员都系笑容满面！大家都好有礼貌好热心，经理更加系照顾周到！上菜嘅姐姐又细心，呢家好小遇到中菜有咁多笑容睇🙈服务质素满分呀！食物方面都绝对惊喜！我觉得「鹅头鹅颈肉」真系必须食！片好哂啲肉出嚟，肉质非常嫩而且好入味！已经讲咗下次要点两碟😋然后再嚟「排骨春菜」，呢个菜虽然系平价材料，但系要整得好食有家乡味系好难！暂时我都未系潮州菜馆度食翻果种味，呢度嘅春菜煲都系一般啦。跟住嘅「普宁豆腐」就真系好好食！十分推荐呀！炸到岩岩好！我重点推荐！我自己认为最好食嘅系「煎蚝饼」，呢个蚝饼绝非平时炸到脆果种！呢种先系正宗潮州蚝饼！有蛋有薯粉❤「卤水鹅肝」就有小小期望过高，普通水准「糖醋面」呢个就间间都咁上下啦！整体嚟讲，呢间菜馆价钱合理！而且好食起码唔会有伏！可以成为日常饭