影片
更多
2021-09-18
735 浏览
今日去咗将军澳揾朋友食饭，所以我就提前上网揾定有咩好食，见到呢间食炸鸡嘅店舖性价比好高，而且评语亦都好好，加上佢距离将军澳中心𠮶边比较远，感觉上冇咁多人迫，朋友都有兴趣，所以决定嚟呢度食。唔使谂啦，两个人就梗系叫个二人餐($278)啦，炸鸡方面有几种口味，我本身就好钟意蜜糖芥末呢一只口味，所以我谂都唔使谂就拣咗呢只口味，Pizza方面就交畀朋友谂，朋友话佢想食蘑菇黑松露Pizza ，饮品方面加十蚊可以转特饮，我哋见都唔算好贵，所以都转特饮，小食方面朋友话想食炸洋葱圈。首先沙律就嚟啦，闻到个沙律汁觉得好香，通常沙律都只系觉得好清新，而佢除咗清新之外仲多咗份香气，沙律汁带酸非常醒胃，佢配搭咗蕃茄仔同埋水果，真系开胃到食唔停口。之后就系洋葱圈，洋葱圈炸得非常香脆，炸粉唔会过厚，配上茄汁非常滋味，朋友都觉得炸得好香，一路食不停重复讲话好好食，而且份量亦都唔少。跟住就系Pizza啦，一共有四件，非常松软，而且黑松露同芝士嘅香味非常吸引，呢个份量啱啱好，唔会觉得太腻。之后就到主角炸鸡出场喇，总共有六件，件件都好大，酱汁非常香，提一提大家如果需要手套可以问职员拎。炸鸡除咗非常香口之外，肉质亦都好嫩滑
唔使谂啦，两个人就梗系叫个二人餐($278)啦，炸鸡方面有几种口味，我本身就好钟意蜜糖芥末呢一只口味，所以我谂都唔使谂就拣咗呢只口味，Pizza方面就交畀朋友谂，朋友话佢想食蘑菇黑松露Pizza ，饮品方面加十蚊可以转特饮，我哋见都唔算好贵，所以都转特饮，小食方面朋友话想食炸洋葱圈。
首先沙律就嚟啦，闻到个沙律汁觉得好香，通常沙律都只系觉得好清新，而佢除咗清新之外仲多咗份香气，沙律汁带酸非常醒胃，佢配搭咗蕃茄仔同埋水果，真系开胃到食唔停口。
之后就系洋葱圈，洋葱圈炸得非常香脆，炸粉唔会过厚，配上茄汁非常滋味，朋友都觉得炸得好香，一路食不停重复讲话好好食，而且份量亦都唔少。
跟住就系Pizza啦，一共有四件，非常松软，而且黑松露同芝士嘅香味非常吸引，呢个份量啱啱好，唔会觉得太腻。
之后就到主角炸鸡出场喇，总共有六件，件件都好大，酱汁非常香，提一提大家如果需要手套可以问职员拎。炸鸡除咗非常香口之外，肉质亦都好嫩滑好juicy ，面头铺咗啲杏仁片增加香脆口感。
饮品方面我哋叫咗香橙热情果四季春茶同埋哈密瓜乳酸梳打，四季春好清新，朋友饮嘅哈蜜瓜梳打都话唔错。
总括嚟讲呢间铺性价比非常高，而且食物全部都非常出色，绝对会推介朋友嚟食。
张贴
