米子燒肉家 (已結業)

今日过开嚟粉岭探朋友，见到原来粉岭中心开咗好多餐厅，其中呢间烧肉好似几吸引。$100松啲一个餐，而且个份量都好似唔错。而入边嘅环境都几舒服企理，简洁得来有好多位花咗心思，好似佢个灯咁我觉得几靓。同埋每一个炉都有个吸油烟机，个油烟机又会有个罩，唔会弹到一身都系。朋友叫咗个美国牛，分别有腹胸，牛五花同牛板健。佢呢种牛就会用咗薄切嘅方式，所以烧嘅时间唔使太长。其中我觉得最好味嘅系个牛板健，牛味浓，又够林。而我自己就拣咗个澳洲牛，有牛颈脊，牛肋条同埋封门柳。佢个牛肋条同埋封门柳就比较厚身，真系好下我呢个厨房白痴嘅烧肉功力，一唔小心就会烧耐左。但系我自己就最钟意食封门柳，因为好林又多汁，牛味又够。每个餐除咗烧肉之外仲会跟咗一个饭同埋泡菜同埋汤。我觉得佢个泡菜都几好食，唔会太辣又够酸，都几开胃。呢个汤就好清，系昆布萝卜汤，清清地几好解吓腻。