佐賀燒肉谷 (大鴻輝(荃灣)中心) (已結業)

朋友介绍了位于荃湾大鸿辉的佐贺烧肉谷，食店有五个放题套餐，当然价钱越贵，食既牛就越靓啦，A餐系最贵$438，但我地今次选了中价位C餐$368一位，极上牛小排加埋海鲜放题，饮品任饮，仲有甜品食。坐位舒服，用手机下单，入座已经见到有一只细细地既隔油网比人隔下烧肉滴既油，好细心！坐左一阵就送上一大份烧肉头盘，职员仲要逐款肉介绍，老实讲，D牛肉真心好食，望落色水都新鲜。其他肉类一啲都唔失礼，海鲜类都新鲜，甚至乎连D熟食类都可以令人一叫再叫，尤其是个榴梿炸球，第一啖咬落去，好惊喜，好好食！出去拎饮品，仲发现有个小食区，可以比大家去拿取一些熟食，有烧卖、咖喱鱼蛋、螺肉、中华沙律等等，值得一提可以佢地既朱古力雪糕好好味，朱古力味好浓厚，好正。总括而言：环境宽敞、职员服务好、食物又好味，值得大家来食。