影片
更多
2014-08-19
4793 浏览
去开金鱼街买鱼粮，六点未够但有D肚饿，决定试吓名宝石呢间老牌港式西餐。由于时间仲早，唔使等位，经理仲安排我地坐窗口既二人台。 一人叫一个黑椒汁牛仔骨配薯菜既晚餐。先上面包同汤，可以拣牛尾汤，非常香浓！面包亦好松软！ 上主菜喇！一黎就已经闻到好香！ 欣赏黑椒汁另外用容器装起，咁就唔会浸到薯角淋晒，赞！ 牛仔骨份量极多，有成七、八件，而且一D都唔老！配菜亦绝不马虎，薯角香脆，而几条小棠菜就令个餐冇咁漏。然后上埋甜品同餐茶。甜品可以拣芒果布甸或啫哩，布甸加花奶，系儿时既味道！餐茶转柠蜜都唔使加钱，又一抵赞！另外侍应态度好好，手脚亦快，再赞！最后埋单每人$130，好满足又食到饱饱咁走。一定会再黎啊！
由于时间仲早，唔使等位，经理仲安排我地坐窗口既二人台。
一人叫一个黑椒汁牛仔骨配薯菜既晚餐。
先上面包同汤，可以拣牛尾汤，非常香浓！面包亦好松软！
上主菜喇！一黎就已经闻到好香！
欣赏黑椒汁另外用容器装起，咁就唔会浸到薯角淋晒，赞！ 牛仔骨份量极多，有成七、八件，而且一D都唔老！
配菜亦绝不马虎，薯角香脆，而几条小棠菜就令个餐冇咁漏。
然后上埋甜品同餐茶。
甜品可以拣芒果布甸或啫哩，布甸加花奶，系儿时既味道！
餐茶转柠蜜都唔使加钱，又一抵赞！另外侍应态度好好，手脚亦快，再赞！
最后埋单每人$130，好满足又食到饱饱咁走。一定会再黎啊！
题外话/补充资料：
离开餐厅时已经全院满座，呢度性价比高，多人帮衬唔系冇原因既。
冇订位既朋友记得早D到呀！
(以上食记乃用户个人意见 , 并不代表OpenRice之观点。)
张贴
