Quattro's Kitchen (已結業)

系吉之岛行街，见到呢间餐厅点晚餐加$38就有得食semi buffet,所以就同朋友决定入去试吓。餐厅环境好干净，枱与枱之间好阔落坐得好舒适。我地点左两份晚餐，喺等紧嘅时候就出咗去自助区拎嘢食有沙律、汤、炸物同埋甜品。炸物全部都好脆卜卜，汤入味同埋好够热，沙律蔬菜都有好几款，好新鲜。香烤杏片海炉海鱼配明太子奶油汁鱼煎得啱啱好唔会干，而且配上杏仁片食落嘅时候会有一个脆嘅口感，太子奶油汁亦都同鱼好配合。香煎牛柳并巴黎牛油大虎虾个牛柳好嫩，而且肉味好浓，大虎虾亦都好香好鲜味，两个晚餐既配菜都有好多款同都煮得好好味。饮品方面我哋加钱转左冻荔枝梳打，同埋冻凤梨柠梳打，两杯都唔会太甜，同埋好Fresh,好解渴。最尾再出去拎埋甜品，呢餐食得好满足，我觉得如果食呢间记得加配自助餐好抵食。