越味皇 (已結業)

上openrice 见几多LIKE 所以就黎帮衬下。四个人无叫SET全陪散叫食到好饱。越式烧鱼:烧鱼表皮烧到好甘香但内裹鱼肉重系好Juicy,本身好都够味，配上特制酸汁有另一番风味。牛油果软壳蟹米纸卷:米纸卷好韧，口感好似爽身的肠粉，牛油果creamy加上新鲜炸的软壳蟹~好味河内蒸粉包: 口感同味道有D似中式粉果，粉皮晶莹剔透，馅料有木耳丝沙葛等，爽脆有咬口。越味皇炸春卷:新鲜即炸，金黄香脆可口，怕太热气可包生菜食。特式生菜包: 分量唔算多，不过三十几蚊黎讲可以接受。新鲜生菜包住香辣惹味的肉碎一起食，好滋味。越式炸虾饼: 炸到甘香，够弹牙不死实。越式柚子鲜虾沙律: 青瓜红萝卜丝切到到幼细，柚子甘甜不苦涩加上新鲜沙拉菜好味道。虾亦好大只新鲜弹牙。开胃前菜。越式串烧:两款表面都烧都好亁身但锁住D肉汁起入面，鸡肉嫩口牛肉粒无渣。越味皇蕃茄蟹头糕汤:汤底浓浓的蕃茄及蟹汤的味道。好鲜甜。墨鱼丸唔系食落食口面粉，扎肉味道正常。蒙粉软硬刚好~