醉翁亭火鍋館 (已結業)

又黎到观塘揾下有咩好野食😳突然想食火锅，就上网揾下有咩好介绍，见到醉翁亭好似几吸引就黎试一试！去到门口8:50左右，职员就建议我地等一等，原来佢地9点系宵夜时段，有8折优惠😍超级nice去提醒我地，咁我地就系外边坐一阵，好快就安排我地入座。佢地系鸡煲加海鲜火锅，仲要任饮任食！坐底立即送上新鲜海鲜一盘！然后就放底左鸡煲，份量多，肉质鲜美，唔算太辣，中意辣既朋友可以叫辣d，或者佢都有辣椒配料俾你自己加。食完鸡煲就加水打边炉，无谂过两个人任食都会俾咁大盘牛肉😭真系良心店铺，仲要每件都好平均，用心制作！最后听到隔离大枱由我地坐低前叫野食叫到我地走都仲叫紧，我地己经饱到上心口啦🤣