影片
更多
2022-05-07
760 浏览
Happy friday好友带我去饮茶任食,今次嚟到佐敦长乐街。我对饮茶任食冇乜好感,一般都觉得麻麻地好食,只系价钱平啰。今次$98/位,价钱咁抵,都系谂住一般质素。但老友话呢间系做电视𠮶个辉哥开嘅酒家,应该质素有保证,价钱唔贵,咪试下啰…点知话要三日前订位㖞,系咪咁多人排队呀?!我哋叫咗好多嘢食,净睇点心纸,果真好多嘢食,种类繁多…食唔食得晒㗎?我哋两位靓太都唔想做大嘥鬼㖞!第一轮梗系叫虾饺烧卖肠粉呢啲例牌饮茶嘢啦;仲嗌咗秋葵,芥末凉拌四季豆,四川口水鸡等等几款冷盘,真系唔差㖞!细细碟,两个人啱啱好👍横掂任食,食唔够再嗌都ok。又嗌咗我至爱嘅炸云吞,咬落去脆卜卜,好好食呀😋! 第二round再嗌碟菜芯,凤爪,牛肉烧卖,质素真系ok㖞!原来出面有个冰柜,罐装冷饮任饮! 仲有个大排档口,有咖哩鱼蛋,碗仔翅,糯米饭之类…因为我哋迟咗嚟,畀人食晒lu…下次要食番至得。忘记话畀大家知,一坐低就每人送一只蒸带子,真系意想不到嘅"抵食"。侍应推介我哋食北海道元贝饺,都好ok👍! 临尾我见隔离枱食"法式焦糖炖蛋"…唔系挂,咁鬼马嘅甜品呢度都有🤪?! 我去甜品舖食都至少三四十蚊啦,虽然水准冇甜品舖咁正
我对饮茶任食冇乜好感,一般都觉得麻麻地好食,只系价钱平啰。今次$98/位,价钱咁抵,都系谂住一般质素。但老友话呢间系做电视𠮶个辉哥开嘅酒家,应该质素有保证,价钱唔贵,咪试下啰…点知话要三日前订位㖞,系咪咁多人排队呀?!
我哋叫咗好多嘢食,净睇点心纸,果真好多嘢食,种类繁多…食唔食得晒㗎?我哋两位靓太都唔想做大嘥鬼㖞!
第一轮梗系叫虾饺烧卖肠粉呢啲例牌饮茶嘢啦;仲嗌咗秋葵,芥末凉拌四季豆,四川口水鸡等等几款冷盘,真系唔差㖞!细细碟,两个人啱啱好👍横掂任食,食唔够再嗌都ok。又嗌咗我至爱嘅炸云吞,咬落去脆卜卜,好好食呀😋! 第二round再嗌碟菜芯,凤爪,牛肉烧卖,质素真系ok㖞!原来出面有个冰柜,罐装冷饮任饮! 仲有个大排档口,有咖哩鱼蛋,碗仔翅,糯米饭之类…因为我哋迟咗嚟,畀人食晒lu…下次要食番至得。忘记话畀大家知,一坐低就每人送一只蒸带子,真系意想不到嘅"抵食"。侍应推介我哋食北海道元贝饺,都好ok👍! 临尾我见隔离枱食"法式焦糖炖蛋"…唔系挂,咁鬼马嘅甜品呢度都有🤪?! 我去甜品舖食都至少三四十蚊啦,虽然水准冇甜品舖咁正,但都叫做合格,算系交足功课,有啲交"突"功课嘅感觉添!
讲真咁多种类,食客梗系话正,但系做老细维唔维到皮㗎?唔理咁多,食咗先算,所以话今餐系性价比高嘅饮茶任食,确实系实至名归! 我一定会encore👍
张贴
