M3 Italian (已結業)

今日黎沙田探朋友，同朋友嚟咗M3食意大利菜。一早订定位，如果唔系一定食唔到。餐厅都几大，但好快已经坐满。点完嘢食好快就有温暖嘅包送到，加啲黑醋加啲橄榄油，特别好味。香辣蒜蓉大虾蒜蓉味好浓，大虾肉质爽口，有少少辣椒，但唔系好辣，怕辣嘅朋友都食得，加啲沙律菜可以中和浓味。总共有六只大虾。凯撒沙律传统嘅凯撒沙律，多士大大粒，好脆口，沙律菜切到细细块容易入口，沙律酱酸味亦刚刚好，包住每一块沙律菜，沙律菜好新鲜。中间有一只温泉蛋，捞埋黎食最好味。四色芝士薄饼芝士味好浓，有啲咸但接受到，最欣赏个薄饼嘅饼底非常之薄，薄多好似饼干，拎起手好易碎，好耐冇食过咁薄咁脆嘅Pizza。最后系海鲜意大利饭卖相非常吸引，连隔离枱都话靓，意大利饭最钟意就系生生地嘅感觉，带子好大粒，有虾有青口有鱿鱼。味道不错，啲汁唔算好多，够饱肚。店员非常细心，虽然我哋坐最入个张枱，但店员都不停为我地碗碟加水，非常细心。