J's Kitchen (已結業)

Coupon细则见到最少早一日book位，但突然想食，唯有朝早Whatsapp book位试试，但到4点都未覆机，就打去confirm先得，打到去佢就讲声牛肝黑野菌汁冇晒，要转烧汁，冇晒都冇计啦，见佢态度都好好，就冇咩所谓。由鲗鱼涌站行过黎沿途就算系星期日夜晚人流都唔多，7点钟黎到，果然入面客人都唔多，有一枱客食紧。坐低比左张团购coupon , 佢比左杯热水，唔似出面餐厅咁是但比水喉水你饮，呢样值得加分，之后就等野食黎。侍应态度全程都好好，临走仲送咗两张优惠券比我地。整体其实唔错，系个位置令人流比较少。